Түркістан облысында көктемгі аңшылық маусымы туралы

Қазақстан Республикасы Ауыл шаруашылығы министрінің міндетін атқарушысының 2015 жылғы_27 ақпандағы № 18-03/157 бұйрығымен бекітілген «Аң аулау қағидасына» сәйкес және «2021 жылдың 1 шілдесі мен 2022 жылдың 1 шілдесі аралығында жануарлар дүниесі объектілерін алып қою лимиттерін бекіту туралы» Қазақстан Республикасы Экология, геология және табиғи ресурстар министрінің м.а. 2021 жылғы 14 сәуірдегі №104 бұйрығына сәйкес, Түркістан облысындағы аңшылық пайдаланушыларға бекітіліп берілген аңшылық алқаптарда суда жүзетін аталық үйректерді аулауға 2022 жылдың 1 наурызынан 15 наурызды қоса есептегенде күнтүзбелік 15 күндік мерзімге көктемгі аңшылық маусымы ашылады.

Бұл орайда, аумақтық инспекция тарапынан, облыстың жергілікті атқарушы органымен жануарлар дүниесін пайдалануға берілетін рұқсаттарды бақылау, тұрғындарға бұқаралық ақпарат құралдары (БАҚ) арқылы көктемгі аңшылық маусымы ашылғандығын хабарлау және көктемгі аңшылық маусымында аңшылық алқаптары аймақтарында аңшылық жасау ережелерінің сақталуына қадағалау жасау жұмыстары жүргізіледі.